იცით თუ როგორ შეუნარჩუნოთ თქვენს კერძს ფერი?

გემრიელი

თუ იცით როგორ მოამზადოთ ბოსტნეული ისე, რომ თქვენს მიერ მომზადებული კერძი გემრიელი და ფერადოვანი იყოს? ქვემოთ შეგიძლიათ გაეცნოთ ფერის შენარჩუნების სხვადასხვა გამოსადეგ მეთოდს.

ბოსტნეულის დამუშავებისას მრავალი ქიმიური და ფიზიკური პროცესი მიმდინარეობს. ბოსტნეულის ფერი სხვადასხვაგვარად იცვლება ტემპერატურის ცვლილებასთან ერთად. იმისათვის, რომ ხელი შევუშალოთ ისეთი სახის ცვლილებებს, რომლებიც მიმზიდველობას უკარგავენ ჩვენს კერძებს, უნდა ვიცოდეთ თუ რა ტიპის რეაქციები მიმდინარეობს.

Green vegetables like broccoli, spinach, sorrel, brussels and sprouts owe their own colour to chlorophylls.

თეთრი ბოსტნეული

კარტოფილი, ყვავილოვანი კომბისტო, ხახვი, თეთრი კომბოსტო და ყაბაყი შეიცავენ ფლავონოიდებს. მჟავე გარემოში ისინი ინარჩუნებენ ფერს, მაგრამ ტუტე გარემოში ყვითლდებიან.

 

ამიტომ, თავიდან რომ ავიცილოთ ბოსტნეულის გაყვითლება, დაუმატეთ ცოტაოდენი ლიმნის წვენი დუღილის დროს. ასევე კარგია თუ თავზე დაახურავთ თავსახურს და დაიმახსოვრეთ – არ ხარშოთ დიდხანს თეთრი ბოსტნეული, ვინაიდან შეიძლება განაცრისფრდნენ.

წითელი ბოსტნეული

ჭარხალი, წითელი კომბოსტო და წითელი ხახვი ანტოციანს შეიცავენ. წითელი ფერი ორივე, მჟავე და ტუტე გარემოსადმი მგრძნობიარეა. ამიტომ უკეთესია მოამზადოთ ჭარხალი ოდნავ მჟავე გარემოში, როგორიცაა ლიმნის წვენი ან გახეხილი ვაშლი. თუმცა არ დაგვავიწყდეს, რომ მჟავე გარემო ახანგრძლივებს მომზადების პროცესს, ამიტომ მხოლოდ მცირე რაოდენობა დაამატეთ მომზადების პროცესში, დანარჩენი კი – მომზადების დასრულების შემდეგ. ბოსტნეული სწრაფად მზადდება მცირეოდენ წყალში და თუ შესაძლებელია – არ მოაცილოთ კანი. ასეთი ტიპის ბოსტნეულის მოსამზადებლად საუკეთესო საშუალება მოწალვაა.

 

მწვანე ბოსტნეული

ისეთი ბოსტნეული, როგორიცაა ბროკოლი, ისპანახი, მჟაუნა  და ბრიუსელის კომბოსტო ქლოროფილს შეიცავს. ეს პიგმენტი უფერულდება სინათლისა და მაღალი ტემპერატურის ზემოქმედების შედეგად, თუმცა ის არ იხსნება წყალში.

White vegetables like potatoes, cauliflower, onion, white cabbage contains colours from flavanoids groups.
გახანგრძლივებული მომზადების პროცესი ასევე აუფერულებს ამ ტიპის ბოსტნეულს. იმისათვის, რომ შეუნარჩუნოთ წვნიანი მწვანე ფერი, არ დაახუროთ თავზე მომზადების პროცესში, რათა მათ შემადგენლობაში არსებულმა ორგანულმა მჟავებმა შეძლონ აორთქლება. მწვანე ბოსტნეულის მომზადების ყველაზე ეფექტური პროცესი მათი მოწალვაა.

ნარინჯისფერი ბოსტნეული

სტაფილო, სიმინდი, პომიდორი, წიწაკა და გოგრა კაროტინოიდებს შეიცავენ. ეს ფერი სტაბილურობით გამოირჩევა და გარემო, როგორც მჟავე, ასევე ტუტე უმნიშვნელო გავლენას ახდენს მათზე; თუმცა ზედმეტმა მომზადებამ შეიძლება გააუფერულოს მათი მკვეთრი ფერი.

, , , , , ,