დამარინადებული ორაგული – დამარინადებული ორაგული ოსპის სალათით

მომხმარებლის შეფასება

დამარინადებული ორაგულის რეცეპტი ოსპის სოუსით.

დამარინადებული ორაგული - ფრანგულ სამზარეულოში ზღვის პროდუქტები განსაკუთრებულ როლს იკავებენ. დამარინადებული ორაგული არა მარტო სასარგებლოა, არამედ საუცხოო გემოთიც გამოირჩევა.

• 100 გ მწვანე ოსპი
• 3 ცალი ახალი ორაგული
• 1 ხახვი
• ½ სტაფილო, კუბებად დაჭრილი
• 1 ნივრის კბილი
• 3 ცალი შავი პილპილის მარცვალი
• დაფნა

სოუსი:

• 1 ½ სადილის კოვზი სოიოს სოუსი
• 1 სადილის კოვზი ზეთი
• 1 მწიკვი დაფქვილი კოჭა (ჯინჯერი)
• 1 მწიკვი დაფქვილი იაპონური პირშუშხა
• კუბებად დაჭრილი ხახვი

მარინადი:

• ½ ჭიქა წყალი
• ¼ ჭიქა ლიმნის წვენი
• ½ ჭიქა მსუბუქი სოიოს სოუსი
• 1 მწიკვი დაფქვილი კოჭა (ჯინჯერი)
• 1 დიდი მწიკვი დაფქვილი იაპონური პირშუშხა
• დანაყილი ნივრის კბილი

• აურიეთ ერთმანეთში მარინადის ინგრედიენტები, დაასხით ორაგულს და შედგით რამოდენიმე საათით მაცივარში.
• მოამზადეთ ოსპი პილპილის მარცვლებთან, ნიორსა და დაფნის ფოთლებთან ერთად; ბოლოსკენ შეაზავეთ მარილით. მომზადების მერე ოსპი კვლავ მკვრივი უნდა იყოს.
• ჩაყარეთ სტაფილო რამოდენიმე წუთით მდუღარე წყალში, შემდეგ გადაწურეთ და გააციეთ ცივი გამდინარე წყლის ქვეშ; სტაფილო მკვრივი უნდა იყოს.
• აურიეთ ერთმანეთში ოსპი, სტაფილო, ხახვი და სოუსი და დატოვეთ რამოდენიმე ხანი, რათა გაუჯდეს არომატები.
• გამოიღეთ ორაგულის მარინადი მაცივრიდან, დაწკრიტეთ და დაჭერით გრძელ ზოლებად.

მირთმევის წესი:დაალაგეთ ორაგულის ნაჭრები თეფშზე და ზემოდან დაადეთ ოსპის სალათი.
მომზადება, რეცეპტები, საკვები, სამზარეულოს წიგნი, ფრანგული სამზარეულო, ძირითადი კერძი