სიტყვა „აერობიკა“ ნიშნავს „ჟანგბადთან ერთად“. აერობიკის ვარჯიშები გვმატებს ენერგიას, აუმჯობესებს ჩვენს სიცოცხლისუნარიანობას და გამძლეობას, ხელს უშლის დაავადებების განვითარებას.

 

აერობიკის ვარჯიშების დროს ორგანიზმი იღებს დიდი ოდენობით ჟანგბადს სისხლძარღვოვანი სისტემის მეშვეობით, რაც საჭიროა კუნთების მუშაობისთვის. რიტმული ვარჯიშები გამიზნულია კუნთების დიდი მასისთვის რაც ზრდის სხეულის ჟანგბადისადმი მოთხოვნას.

aerobic

ორგანიზმზე მოქმედება

აერობიკა დადებითად მოქმედებს ჩვენს სხეულზე: ცხიმის ფენა თხელდება და გვიბრუნდება ჩვენთვის შესაბამისი წონა, სტაბილიზდება სისხლის მიმოქცევა და მასში ქოლესტერინის დონე მცირდება. ჩვენ გამოვიყურებით უფრო ახალგაზრდად და თავს უკეთ ვგრძნობთ!

ვარჯიშის სახეები

ჯგუფთან ერთად  აერობიკის ვარჯიშებში შეგვიძლია ჩავრთოთ სირბილი, ცეკვა, ცურვა, ველოსიპედით სიარული და ა.შ. ასეთი ტიპის ფიზიკური აქტივობა სასარგებლოა როგორც ქალებისთვის, ასევე მამაკაცებისთვის.

რეგულარული ვარჯიშის დადებითი მხარეები

რეგულარული ვარჯიშით (მაგ.: 30 წუთი დღეში) ვარჯიშის ყველა სარგებელს ვიღებთ:

  • იზრდება სხეულის იმუნიტეტი
  • უმჯობესდება გუნება-განწყობა, მცირდება დეპრესიისა და შიშის განვითარების რისკი
  • უმჯობესდება ძილი
  • იწვება კალორიები და იოლად ვაკონტროლებთ წონას

aerobic2

ვარჯიშები

დასაწყისისთვის მისაღებია კვირაში 3-ჯერ ვარჯიში, ხოლო შემდგომ შეიძლება დროისა და ინტენსივობის თანდათანობით ზრდა.

აერობიკის ვარჯიშები, როგორც წესი, 3 ნაწილისგან შედგება:

  • გახურება-გამოცოცხლება. სხეული მზად უნდა იყოს ფიზიკური დატვირთვისათვის; ამიტომ სასურველია არ გამოგვრჩეს ეს ეტაპი, რომლის დროსაც გულისცემა და კუნთების ტემპერატურა იზრდება. ასეთ შემთხვევაში დაზიანების მიღების რისკი ნაკლებია. დრო: 5-10 წუთი.
  • აერობიკის ვარჯიშები (კარდიო). იგი მიმართულია სისხლის მიმოქცევისა და სუნთქვის პროცესის გაუმჯობესებისკენ, წვავს სხეულის ცხიმოვან ფენას. ამ შემთხვევაში ყველაზე ეფექტურია ნელი მაგრამ ინტენსიური ვარჯიში რაც თანდათანობით გაახანგრძლივებს სხეულის ამტანობის დროს და იწვევს ჟანგბადის ცვლას ორგანიზმში.  დრო: 25-45 წუთი.
  • ცალკეული კუნთების გამაძლიერებელი ვარჯიშები. ასეთი ტიპის ვარჯიშები მიმართულია კუნთების ცალკეული ჯგუფებისაკენ ან სრულდება სიმძიმეების მეშვეობით.  დრო: 5-10 წუთი.

მოდუნება ძალიან მნიშვნელოვანია. ეს ერთგვარი ვარჯიშებია, რომლებიც ბოლოს უნდა შეასრულოთ. მისი მიზანია უმტკივნეულოდ დაუბრონოს ორგანიზმს ნორმალური გულის ცემისა და სუნთქვის სიხშირე, რომლებიც როგორც წესი იმატებს ვარჯშის დროს. ეს ვარჯიშები თავიდან აგაცილებთ თანმდევ სისუსტეს და თავბრუსხვევას. სცადეთ ეს ვარჯიშები მოდუნებისათვის:

  • გულის ცემის შენელება – მსუბუქი ჯოგინგი, სიარული, რელაქსაციური ცურვა
  • მსუბუქი გაწელვა
  • ღრმა სუნთქვა
, ,