ყავის დადებითი და უარყოფითი მხარეები

ყავა მცირე რაოდენობით სასარგებლოა ჯანმრთელობისათვის

ზოგი ყავას მისი გემოს გამო მიირთმევს, სხვანი მას დღის განმავლობაში მხნეობისა და ენერგიისათვის იღებენ. ამას გარდა, ყავა დადებითად მოქმედებს ჩვენს ჯანმრთელობაზე. უპირველეს ყოვლისა, ის ძლიერი ანტიოქსიდანტია, რომელიც დაბერების პროცესს აფერხებს. ამასთან, სასმელი ამცირებს სისხლში ქოლესტერინის დონეს, რომლის მეშვეობითაც მცირდება ათეროსკლეროზისა და გულ-სისხლძარღვთა დაავადებების განვითარების რისკი. კვლევები ცხადჰყოფს, რომ ყავის მოხმარება ამცირებს შაკიკის შეტევების სიხშირეს, II ტიპის დიაბეტის, სხვადასხვა სიმსივნისა და ისეთი დაავადებების განვითარების რისკს, როგორიცაა პარკინსონიზმი და ალცჰაიმერი. ყავის დამსახურებათა რიცხვს მიეკუთვნება კარიესისა და ასთმის განვითარების რისკის შემცირება. კვლევებით დასტურდება, რომ ყავის რეგულარული მოხმარება აუმჯობესებს მეხსიერებას. ყავის მოხმარებით მიღებული ზიანი გაცილებით ნაკლებია, ვიდრე მისი სარგებელი, თუმცა ღირს იცოდეთ ამის შესახებ. პირველ რიგში, ეს სასმელი მაგნიუმს, კალციუმსა და В ჯგუფის ვიტამინებს გამოდევნის ორგანიზმიდან. ყავაზე უარის თქმა იმ შემთხვევაში ღირს, თუ თქვენ კუჭის პრობლემები გაწუხებთ, ვინაიდან ყავა იწვევს კუჭის წვენის ჭარბ სეკრეციას. თუ თქვენ ყავას ძალიან ხშირად მიირთმევთ, ამან შეიძლება გამოიწვიოს ძილის ციკლის დარღვევა და ზედმეტად გაღიზიანებული გახდეთ. ამიტომ ყავის ყოველდღიური დოზა გონივრულ საზღვრებს არ უნდა სცდებოდეს.