ბოსტნეული თქვენს სუფრაზე

სცადეთ რაღაც ახალი

მეგობრებთან, ოჯახთან ან თანამშრომლებთან ერთად ტრაპეზი გასაოცარი და სასიამოვნო გამოცდილებაა. ეს მხიარულების, სიამოვნებისა და სიცილის დროა. ბოსტნეულის კერძები არაჩვეულებრივია საუკეთესო მეგობართან ერთად საუზმობისას, ოჯახთან ერთად სადილობისას ან გვიან საღამოს ბიზნეს წვეულებაზე. ბოსტნეული დაგანაყრებთ "სავსე მუცლისა" და ძილიანობის გარეშე. მათ ასევე არ სჭირდებათ დიდი დრო მომზადებისათვის, ამიტომ თქვენ, როგორც მასპინძელმა შეგიძლიათ ისიამოვნოთ სტუმრებთან საუბრით სამზარეულოში გამოკეტვის ნაცვლად. არსებობს უამრავი ბოსტნეული, რომელიც თქვენს სუფრას საოცრად გაალამაზებს. სცადეთ სხვადასხვა ეგზოტიკური კერძი და გააოცეთ თქვენი სტუმრები მოდური, მაგრამ მსუბუქი საკვებით.

სცადეთ ძველი - ახლებურად

იმ შემთხვევაშიც კი, თუ არ იყენებთ რაიმე ეგზოტიკურს, როგორიც მაგალითად წყალმცენარეებია, აუარება საშუალებაა იმისათვის, რომ თქვენი სუფრა მოდურად გამოიყურებოდეს. გამოიყენეთ თქვენი საყვარელი რეცეპტები, მაგრამ დაუმატეთ რაღაც ახალი - მაგალითად, რაიმე იშვიათი სალათის საკმაზი ან უბრალოდ მოამზადეთ ბოსტნეული გრილზე. სცადეთ ჩვენი სოკოს რეცეპტები თქვენი სტუმრების გასაოცებლად. ასევე შეგიძლიათ თქვენი საყვარელი ბოსტნეული განსხვავებულად მიიტანოთ სუფრაზე ან მოამზადოთ განსხვავებული გარნირი თუნდაც ყველაზე ჩვეულებრივი ბოსტნეულისათვის. ასეთი წვეულება ესთეტიკისა და გემოს მხრივ მოხიბლავს თქვენს სტუმრებს.