ეს საიტი იყენებს ქუქიებს მონაცემების შესანახად. საიტის გამოყენების გაგრძელებით თქვენ ეთანხმებით ამ ფაილების გამოყენებას.
ფრანგული სამზარეულო
14.09.2009
ფრანგული სამზარეულო ეროვნული კულტურის ნაწილია. ის სამართლიანად იწოდება, როგორც კულინარიის ხელოვნების აკვანი და მზარეულის სამოთხე. ნებისმიერ ფრანგს, განურჩევლად მისი განათლებისა და სოციალური მდგომარეობისა, ხანგრძლივად შეუძლია ისაუბროს საკვებსა და კერძებზე. ფრანგებისათვის სამზარეულო ყოველდღიურობის განუყოფელი ნაწილია და სულაც არ არის დამთხვევა, რომ სწორედ ფრანგებმა შექმნეს ე.წ. „savoir-vivre“ ხელოვნება.
რატატუი – ბოსტნეულის რაგუ
ეს პროვანსალური კერძია, უფრო ზუსტად კი მისი სამშობლო ნიცაა. ის წარმოადგენს ისეთი ინგრედიენტების ნაზავს, როგორიცაა პომიდორი, ხახვი, ბადრიჯანი და ყაბაყი. ეს გემრიელი კერძი შესანიშნავია როგორც დამოუკიდებელი კერძის სახით, ასევე გარნირად სხვა კერძებისათვის.
ფრანგული კულინარიის ღირსშესანიშნაობები
სხვა ნაციონალური სამზარეულოების მსგავსად, ფრანგული სამზარეულოც გამოირჩევა თავისი მადის აღმძვრელი დელიკატესებით. ფრანგულმა სამზარეულომ ასევე იოლად შეითვისა ახალი გემოები, როგორიცაა მაგალითად ფრანგული ძეხვეული. თუმცა, ფრანგული სამზარეულოსათვის განსაკუთრებით დამახასიათებელი მაინც ბაგეტია. ფრანგების პურის მიმართ განსაკუთრებულმა დამოკიდებულებამ განაპირობა ბაგეტის პოპულარობა; ის ნებისმიერი კერძის განუყოფელი ნაწილია.
ღვინო
ფრანგები წყლის, რძის, ჩაის თუ ლუდის მაგივრად ღვინოს მიირთმევენ. მათთვის წარმოუდგენელია სადილი ჭიქა ღვინის გარეშე. ძირითადად, ნაკლებად ცნობილ ღვინის ბრენდებს მოიხმარენ ადგილობრივი ვენახებიდან, ხოლო განსაკუთრებულ შემთხვევებს ცნობილი ბრენდებით აღნიშნავენ. ცნობილია, რომ საშუალო დონის ფრანგი წელიწადში 100 ლიტრ ღვინოს მიირთმევს.