მაიას ტომის დამწერლობა სიმინდზე

სიმინდის კულტივირება 7 ათასი წლის წინათ დღევანდელი მექსიკის ტერიტორიაზე მცხოვრებმა მაიას ტომის ხალხმა დაიწყო. მათთვის სიმინდი არ იყო მხოლოდ საკვები: ისინი სიმინდისაგან ამზადებდნენ სასმელსაც. მაიას ხალხს სწამდა, რომ პირველი ადამიანი სწორედ სიმინდის ფქვილისაგან შეიქმნა.


არც ისე რთულია, იპოვო მსგავსება მაიას ტომის დამწერლობასა, რომელიც პრეკოლუმბიურ ამერიკაში ყველაზე უფრო განვითარებულად ითვლება, და სიმინდის ტაროს შორის. თითოეული ასოს მოყვანილობა ძალიან ჰგავს სიმინდის მარცვლების განლაგებას ტაროზე. მაიას წარწერები ყველგან შეიძლება შეგხვდეთ - კედლებზე, ჭურჭელსა და ძვლებზეც კი. იქნებ მაიას ხალხი სიმინდის მარცვლების რბილ ზედაპირსაც კი იყენებდა საწერად? ეს ჯერ კიდევ არ არის დამტკიცებული...