წყლის აერობიკა

ყველასთვის

ფიზიკურად არააქტიური ადამიანები დიდ სიამოვნებას მიიღებენ წყლის აერობიკით; ისინი, ვისაც ზედმეტი წონა აწუხებთ, ვარჯიშის შედეგს მარტივად დაინახავენ (შეგიძლიათ 600 კკალ დაწვათ ერთ საათში). ის ასევე ეფექტურია ხანშიშესული ადამიანებისთვისაც. ადამიანის სხეული წყალში უფრო მსუბუქია და ვარჯიშიც - ბევრად მარტივი. წყალში ჰიდროსტატიკური წნევა გავლენას ახდენს გულ–მკერდის არის მოძრაობაზე. ვარჯიში შეიძლება იყოს ტიპიური აერობიკის ვარჯიშების მსგავსი და შეიძლება გაკეთდეს ყველა სახის პოზიციით, როგორც ქორეოგრაფიული მოძრაობებით, ასევე გამაძლიერებელი ვარჯიშებით. საჭიროა წყალში ბოლომდე ჩასვლა (20–25º ცელსიუსზე), რაც კუნთებს რელაქსაციის შეგრძნებას ანიჭებს და ათავისუფლებს მათ დაძაბულობისგან. მთელი ძვალ-სახსროვანი სისტემა განტვირთვის რეჟიმშია.

აქედან გამომდინარე, ამ ფორმის აქტივობა რეკომენდებულია ადამიანებისთვის, რომელთაც აწუხებთ ოსტეოპოროზი, აქვთ ზურგის და სახსრების პრობლემა ან აქვთ მაღალი წნევა.

• გახურება. საჭიროა წყალში წელამდე ჩასვლა. ირბინეთ, სწორად გეჭიროთ ზურგი, იყურეთ წინ, ასწიეთ მუხლები მაღლა. თუ ვარჯიშებს საცურაო აუზში აკეთებთ შეგიძლიათ იხტუნოთ აუზის კედელთან მდგარმა, ხელებით მის კიდეზე. დრო: 3–5 წუთი.
• მთავარი ნაწილი. ეს არის ძალისა და ამტანობის ვარჯიში. თქვენ შეგიძლიათ ივარჯიშოთ აღჭურვილობით ან მის გარეშე. დრო: დაახლოებით 30 წუთი.
• რელაქსაცია. გამოყავით დაახლოებით 3 წუთი, რომ დაამშვიდოთ თქვენი სხეული.